🍉🍉چیللّه گلیر🍉🍉

پاییزکوچور ائل اوبادان.
چیلله گلیر،قارگله جک.
قیش آغ شالین،باشا سالیب.
گلین چیخیب،یارگله جک.

بئی آلیب،اَلین اَلینه.
چیلله لیک وئریر گلینه.
بئی ائوینده،قیزگلینه.
شیرین قارپوز،نارگله جک.

آشیق آلیب سازاَلینه.
ماهنیلار قوشوب ائلینه.
بال بَلنمیش،ساز دیلینه.
قوپوز گئدیب،تارگله جک.

قیش گَلَندَه،رَه لَر،سولار.
دره تپه،قارلا دولار.
قاینار بولاغ،جوشارسولار.
یازدا،باغا بارگله جک.

قار اَیَجَک،آغاجلاری.
دولدوراجاق بوجاقلاری.
یانسین ائلین اوجاقلاری.
دولت یاغیب،وارگله جک.

سالک شعیر،یازائلینه.
باغلا شعری،سازتئلینه.
چیللّه لیک،وئرقیزگلینه.
حیوا گئدیب،نارگله جک.
🍉🍉🍉🍉🍉🍉🍉🍉